其實臺北市欲停車足歹停，所以有時逐家愛互相體諒，毋過你共人撨車，你嘛愛共人停予好勢，哪會當共人捙倒做你去按呢，按呢就真正是「別人的囡仔死袂了」，咒誓予別人死按呢。橫直「死是死道友，毋是死貧道。」(是按怎盍會按呢?)其實足濟現象攏嘛是按呢，就親像咱以早，咱的俗語共咱講啥?「公廳無人掃，公親情無人叫食晝。」攏想講，(別人會掃)，別人會掃，啊若公親情無人叫食晝，這是阮三叔公，毋過嘛是隔壁彼間的阿伯，(佮伊是隔壁，阮遮閣閬一个稻埕過)，著啊，煞無人來叫伊食晝。上過份是好空攏無鬥相報，歹空攏鬥相害，較自私啦。